Sunnylvsfjorden, der Raudbergvika ligg, er ein del av Storfjorden i Stranda og Fjord kommune. Hofseth har i mange år arbeidd for eit landbasert anlegg i dei nedlagde gruvene her, og plasseringa er eit unikt «kinderegg» som er vanskeleg å finne andre stader. For det første utnyttar vi eit eksisterande industriområde – eit tidlegare sår i naturen – i staden for å ta i bruk uberørt natur. Fjorden er dyp, med konstante og sterke straumar av temperert vatn frå Golfstraumen. I tillegg har vi tilgang til stabil straumforsyning frå regionens største kraftprodusent, som er lokalisert i nærleiken. Denne regionen er også eit globalt sentrum for teknologiutvikling innan havbruk. Sammen skal vi utvikle verdas mest berekraftige anlegg for lakseproduksjon i Raudbergvika.
Fordelar med landbasert oppdrett
Oppdrett på land hindrar lakselus og overføring til villaks. Samstundes kan avfall og fôrrestar gjerast om til verdifulle ressursar, som biogass i lukka anlegg.
Landbasert oppdrett gir god fiskehelse. Forsøk hos Salmon Evolution på Indre Herøy, nord for Storfjorden, viser dette tydeleg. Prosjektet i Raudbergvika vil i endå større grad bruke gjennomstrømming av naturleg fjordvatn. Oppdrett av laks i kontrollert system på land stoppar lus, og reduserer risikoen for sjukdom.
Fisken trivst best når ho kan ete og vekse i fred. Gjennom eit sterkt fokus på fiskehelse vil vi bruke erfaringane frå fjordbasert oppdrett og ta dei med oss inn i det nye landbaserte anlegget i Raudbergvika.
Slik viser Hofseth vegen til berekraftig og sunn lakseoppdrett i Noreg.
